Preziada clientella
Sin fundament dalla situaziun extraordinaria essan era nus sfurzai da serrar las portas da nossa stizun da fluras Calamandrin. La stizun ei segiramein serrada naven da immediat entochen ils 30-04-2020 allas 24.00 uras.
Nus vegnin a far furniziuns a casa.
Nus ademplin era vinavon a Vus givischs da fluras en bials e trests muments.
Demai che nus vegnin era buca furni cun tut las fluras frestgas giavischadas, stuein nus serestrenscher sin ina purschida regiunala da fluras e plontinas.
Vus contonschis nus sin: 081 925 10 40 / info@calamandrin.ch
Jeu vegnel vinavon a sestentar d’ademplir Vos giavischs.
Stei sauns e sin in bien sever.
Vossa
Giuseppina Aubry – Cadruvi
Cordial beinvegni en mia stizun
Calamandrin ei il plaid romontsch per «Vergissmeinnicht» (Myosotis) ed ei in simbol per tut quei che vegn fatg ord spir carezia. Semplamein in plaid amureivel ch’ei sco fatgs pils amurai. Quella cara e biala fluretta ha dau il num a mia stizun da fluras. Sco ella, duein tut ils matgs e las decoraziuns che sorteschan dad ella augmentar ils sentiments d’amur e da legria da mia stimada clientella. Jeu sun Giuseppina Aubry-Cadruvi, ni semplamein la Giuseppina dil Calamandrin ed hai rimnau mias experientschas sco florista a Turitg e Sogn Gagl. Mias ragischs hai jeu en Surselva ed il Calamandrin da Glion ei miu reginavel.
Calamandrin ei il plaid romontsch per «Vergissmeinnicht» (Myosotis) ed ei in simbol per tut quei che vegn fatg ord spir carezia. Semplamein in plaid amureivel ch’ei sco fatgs pils amurai. Quella cara e biala fluretta ha dau il num a mia stizun da fluras. Sco ella, duein tut ils matgs e las decoraziuns che sorteschan dad ella augmentar ils sentiments d’amur e da legria da mia stimada clientella. Jeu sun Giuseppina Aubry-Cadruvi, ni semplamein la Giuseppina dil Calamandrin ed hai rimnau mias experientschas sco florista a Turitg e Sogn Gagl. Mias ragischs hai jeu en Surselva ed il Calamandrin da Glion ei miu reginavel.
